«Астық өнімдері және өңдеу өндірістерінің технологиясы» кафедрасы - Тағам технологиялары факультетi

Кафедра меңгерушісі

Аскарбеков Эрик Бирликович

PhD, АТУ қауымдастырылған профессоры

Жұм.тел.:
8 (727) 396-71-33 (ішкі. 114)

E-mail:
e.askarbekov@atu.edu.kz, erik_ab82@mail.ru

Кафедраның мекен-жайы:
Фуркат к., 348/4, корпус 2А, 4 этаж, каб. 402

«Астық өнімдері және қайта өңдеу өндірістерінің технологиясы» кафедрасы 1967 жылы «Арнайы технологиялар» кафедрасының негізінде құрылды. Кафедра мамандарды 1971 жылдан бастап бітіртіп келеді. Алғашқы түлектер астықты сақтау және өңдеу бойынша инженер-технолог мамандығын алды.

Көп жылдық тарихта кафедраны әр жылдары көрнекті педагогтар мен ғалымдар басқарды: т. ғ. к., доцент Джумагулова Лаура Имангазиевна, т. ғ. к., доцент Баярстанов Телеутек Жүсіпұлы, т. ғ. к., доцент Идгеев Бахтығали Қайырғалиұлы, т.ғ.к., АТУ профессоры Росляков Михаил Григорьевич, т. ғ. к., АТУ профессоры Байболов кемербек Байболұлы, т.ғ.д., ҚР ҰҒА академигі Ізтаев Әуелбек, т. ғ. д., доцент Искакова Ғалия Қуандыққызы, т. ғ. д., қауымдастырылған профессор Жиенбаева Сәуле Тұрғанқызы. Қазіргі уақытта кафедраны PhD докторы, қауымдастырылған профессор Асқарбеков Эрик Бірлікұлы басқарады.

Кафедраның ПОҚ саны 31, оның ішінде штаттық 23 оқытушы:

6 ғылым докторы, 7 ғылым кандидаты, 12 PhD, 6 магистр, оның ішінде:

«Ғылымды дамытудағы еңбегі үшін» төсбелгісінің 3 иегері (Изтаев А. и., Жиенбаева С. Т., Шаншарова Д. А.),
«Қазақстан Республикасының Білім беру ісінің құрметті қызметкері» төсбелгісінің 2 иегері (Изтаев А. и., Искакова Г. К.),
ҚР БҒМ «ЖОО Үздік оқытушысы» грантының 11 иегері (Изтаев А.и. (2006, 2014ж) - 2 рет, Жиенбаева С.Т., Оңғарбаева Н. О., Искакова Г. К., Шаншарова Д. А., Мулдабекова Б. Ж., Байгазиева Г. И., Байысбаева М. П., Якияева М. А., Батырбаева Н.Б. Изембаева А.К.).

АТУ-да профессор-оқытушылар құрамының кәсіби деңгейін дамытуға көп көңіл бөлінеді.

Кафедра туралы

Кафедраның профессорлық-оқытушылық құрамы жыл сайын серіктес жоғары оқу орындарында және алыс және жақын шет елдердің ҒЗИ-да біліктілікті арттыру курстары мен ғылыми тағылымдамалардан, ҚР жетекші тағам кәсіпорындарында өндірістік тағылымдамалардан өтеді, ғылыми-әдістемелік семинарлар мен конференцияларға, көрмелерге және басқа да іс-шараларға қатысады.

Бакалавриат	БББ 6В07202 «Қайта өңдеу өндірістерінің технологиясы (тамақ саласы бойынша)»
6В07202 БББ оқыту траекториялары:	«Астық және жарма өнімдерінің технологиясы» «Нан-тоқаш, макарон және кондитерлік өнімдерінің технологиясы» «Алкогольсіз сусындар және ашыту өнімдерінің технологиясы»
Магистратура	7M07202 «Қайта өңдеу өндірістерінің технологиясы (тамақ саласы бойынша)» БББ
Докторантура	8D07202 «Қайта өңдеу өндірістерінің технологиясы (тамақ саласы бойынша)» БББ

2012 жылы бакалавриаттың «Қайта өңдеу өндірістерінің технологиясы» білім беру бағдарламасы халықаралық аккредиттеуден өтті, 2017 және 2024 жылдары «Еуро-инженер» (EUR-ACE®) белгісін тапсыру құқығымен ASIIN (Германия) агенттігінде қайта аккредиттеуден өтті.

2017 жылы магистратура мен докторантураның «Қайта өңдеу өндірістерінің технологиясы» білім беру бағдарламалары ASIIN (Германия) агенттігінде халықаралық аккредиттеуден өтті.

Ұлттық агенттіктердің рейтингтерінде («Білім берудегі сапаны қамтамасыз ету жөніндегі тәуелсіз қазақстандық агенттілік» және Аккредиттеу және рейтингтің ұлттық агенттігі») «Қайта өңдеу өндірістерінің технологиясы» бакалавриат, магистратура және докторантураның білім беру бағдарламалары жыл сайын бірінші орындарды алады.

2020,2023 жылдары жоғары оқу орындары арасында Тәуелсіз аккредиттеу және рейтинг агенттігінің рейтингіне қатысушылар арасында |В068 «Тамақ өнімдерін өндіру» білім беру бағдарламаларының тобы 1 орынға ие болды!

2021 және 2023 жылдары жоғары оқу орындары арасында "Атамекен" рейтингінде «Қайта өңдеу өндірістерінің технологиясы (салалар бойынша)» БББ 1 орынды иеленді!

2022 жылы В068 «Тамақ өнімдерін өндіру» білім беру бағдарламаларының тобы жоғары оқу орындарының институционалдық рейтингісінің «ТОП-10» білім беру бағдарламаларына кірді!

АТУ кафедралары арасындағы рейтинг нәтижелері бойынша "Астық өнімдері және өңдеу өндірістерінің технологиясы" кафедрасы жетекші орын алады.

Кафедра ғалымдары тамақ технологиясы бойынша мамандарды даярлауды ғылыми зерттеулер жүргізумен және ғылыми-педагогикалық кадрларды даярлаумен сәтті ұштастырады.